Փնտրվում են կամավորներ ցերեկային ճամբարին մասնակցելու համար

Որտեղ՝ Հայաստանի գյուղերից մեկի դպրոցում:

Երբ՝ 2020 թվական հուլիս 13-ից 19-ը։

Համառոտ ծրագրի մասին

« Առողջ միջավայր » ծրագիրը նախատեսված է 6-ից 10 տարեկան երեխաների համար և նպատակ ունի երեխաներին փոխանցել գիտակից և պատասխանատու քաղաքացու հիմնարար դրույթները․

• Բռնության կանխարգելում
• Հանդուրժողականություն և հավասարություն
• Նախաձեռնող ոգի և խմբային աշխատանք
• Երկխոսության մշակույթի ձևավորում
• Հարգանք շրջակա միջավայրի հանդեպ

Նախագծի պատասխանատու

Օֆելիա Հովհաննիսյան

Հիմնական չափանիշները

• Դու 18 տարեկանից բարձր ես և սիրում ես երեխաներին
• Սովորում ես մանկավարժություն, հոգեբանություն, իրավաբանություն, հասարակագիտություն կամ այս բնագավառները ներառվում են քո հետաքրքրության շրջանակներում
• Սիրում ես թիմային աշխատանք և համագործակցություն
• Քեզ համարում եսապատասխանատու և կազմակերպված անձնավորություն
• Արագ հարմարվող և կողմնորոշվող ես

Ուրեմն այս առաջարկը քեզ համար է

Ինչ ենք ակնկալում մենք կամավորներից / ձեր պարտականությունները

• Մասնակցել ծրագրին՝ օգնելով նախագծի պատասխանատուին
• Կազմակերպել խաղեր ու միջոցառումներ ըստ պլանի
• Ակտիվ համագործակցել կազմակերպող խմբի աշխատանքին՝ զբաղեցնելով և մոտիվացնելով երեխաներին
• Կազմակերպել՝
  • Ինտերակտիվ խաղեր
  • Ստեղծարար աշխատանքներ
  • Սպորտային միջոցառումներ
  • Քննարկումներ
  • Ուսուցողական այցելություններ

Ինչ ենք առաջարկում մենք կամավորներին/մեր պարտավորությունները

• Գյուղում մեկշաբաթյա օրապահիկի ծախսերը յուրաքանչյուր կամավորի համար հոգում է ասոցացիան։
• Ճամբարից առաջ նախապատրաստական դասընթաց կամավորների համար, ծանոթացնելու նրանց ծրագրի մանրամասներին։
• Ճամբարի վերջում ասոցացիայի կողմից կամավորներին կտրվի մասնակցության հավաստագիր։

Հետաքրքե՞ց,

Ուղարկեք ձեր դիմում նամակն artzakank@yahoo.com հասցեին՝ մի քանի տողով ներկայացնելով ձեզ և ձեր հիմնական դրդապատճառները։

Նամակ-դիմումների ընդունման ժամկետն է 2020 թ․մարտի 15-ը։

Նախապատրաստական դասընթացների հստակ օրերն ու գյուղի անունը կտեղեկացնենք ձեր թեկնածությունը ընտրելու դեպքում՝ պատասխան նամակով։